O‘zbekiston prezidenti Islom Karimov Aleksandr Lukashenkoni Belarus Prezidenti lavozimiga qayta saylangani bilan tabrikladi, deya xabar bermoqda “Gazeta.uz”.
Belarus Prezidenti matbuot xizmati yozishicha, O‘zbekiston yetakchisi Belarus bilan o‘zaro hurmat tamoyiliga asoslangan hamkorlikning rivojlanishi va mustahkamlanishiga ishonch bildirgan.
Eslatib o‘tamiz, Belarusning amaldagi prezidenti Aleksandr Lukashenko 11-oktabr, yakshanba kuni bo‘lib o‘tgan davlat rahbarligiga saylovlarda 83,49 foiz ovoz bilan g‘olib bo‘lgan edi. Liberal-demokratik partiya yetakchisi Sergey Gaydukevichga saylovchilarning 3,32 foizi, “Haqiqatni gapir” fuqarolik kampaniyasi vakili Tatyana Korotkevichga 4,42 foizi, Belarus vatanparvarlik partiyasi raisi Nikolay Ulaxovichga 1,67 foizi ovoz berdi.
Saylovlar natijalariga ko‘ra, 61 yoshli Lukashenko Belarus prezidenti lavozimini beshinchi marta egallaydi. U davlat rahbarligiga birinchi marta 1994-yilda saylangan.
Izoh (0)