2015-yilning 10—11-oktabr kunlari Shri-Lankaning Kolombo shahrida Olimpiada o‘yinlari dasturidan o‘rin olgan Regbi-7 bo‘yicha ayollar o‘rtasida Osiyo chempionati o‘tkaziladi, deb xabar beradi O‘zbekiston Milliy olimpiya qo‘mitasi matbuot xizmati.
Qit’a chempionatida ishtirok etadigan jami 8 terma jamoa ikki guruhga bo‘lingan holda bahslarga kirishadi.
O‘zbekiston terma jamoasi a’zolari o‘rin egallagan guruhdan Yaponiya, Gonkong va Tailand terma jamoalari o‘rin egallagan bo‘lsa, ikkinchi guruhdan Xitoy, Qozog‘iston, Singapur va Shri-Lanka terma jamoalari joy olgan.
Mazkur nufuzli musobaqaga bosh murabbiy Oleg Galkin hamda maslahatchi murabbiy Yu Xakuba boshchiligidagi O‘zbekiston ayollar terma jamoasi ham puxta hozirlik ko‘rdi. Terma jamoa qator o‘quv-mashg‘ulot yig‘inlari orqali bo‘lajak Osiyo chempionatiga jiddiy tayyorgarlik ko‘rdi.
Izoh (0)