2015 йилнинг 10—11 октябрь кунлари Шри-Ланканинг Коломбо шаҳрида Олимпиада ўйинлари дастуридан ўрин олган Регби-7 бўйича аёллар ўртасида Осиё чемпионати ўтказилади, деб хабар беради Ўзбекистон Миллий олимпия қўмитаси матбуот хизмати.
Қитъа чемпионатида иштирок этадиган жами 8 терма жамоа икки гуруҳга бўлинган ҳолда баҳсларга киришади.
Ўзбекистон терма жамоаси аъзолари ўрин эгаллаган гуруҳдан Япония, Гонконг ва Таиланд терма жамоалари ўрин эгаллаган бўлса, иккинчи гуруҳдан Хитой, Қозоғистон, Сингапур ва Шри-Ланка терма жамоалари жой олган.
Мазкур нуфузли мусобақага бош мураббий Олег Галкин ҳамда маслаҳатчи мураббий Ю Хакуба бошчилигидаги Ўзбекистон аёллар терма жамоаси ҳам пухта ҳозирлик кўрди. Терма жамоа қатор ўқув-машғулот йиғинлари орқали бўлажак Осиё чемпионатига жиддий тайёргарлик кўрди.
Изоҳ (0)