Bugun,

  • USD 10940.05
  • RUB 182.26
  • EUR 11121.65

Portugaliya terma jamoasi va “Real” hujumchisi Krishtianu Ronaldu yaqinda Nyu-Yorkda, Manxettenning mashhur Beshinchi avenyusida 18,5 million dollarga dang‘illama kvartira sotib oldi. Bu haqda “Nur.kz” xabar bermoqda.

Foto: Warburg Realty

Foto: Warburg Realty

Ronaldu “Real” bilan 2018 yilgacha mo‘ljallangan sharnomasi yakunlangach okean ortiga ko‘chib o‘tish va AQShdagi klublardan birida to‘p surishni niyat qilgan. 18,5 million dollar turadigan kvartiraning qanday o‘ziga xos jihatlari borligini bilishni istaysizmi?

Foto: Warburg Realty

Foto: Warburg Realty

Krishtianu Ronalduning kvartirasi dunyoning eng boy kishilaridan biri, AQSh prezidentligiga nomzodlikka da’vogar Donald Trampga tegishli “Tramp Tauer” osmono‘par binosida joylashgan.

Foto: Warburg Realty

Foto: Warburg Realty

Maydoni 230 kvadrat metrga teng bu koshona oldin Donald Trampning biznesdagi sherigi Alessandro Protoga tegishli bo‘lgan. “Tramp Tauer”ning yuqori qavatida joylashgan apartament 1983-yilda qurilgan, uning interyeri taniqli dizayner Xuan Pablo Moline tomonidan yaratilgan.

Foto: Warburg Realty

Foto: Warburg Realty

3 ta xona va 3,5 ta vanna xonalaridan iborat apartament Manxettendagi istiqomat qilish uchun eng qulay va nufuzli joy hisoblanadi. Krishtianu Ronaldu uchun bunday qimmatbaho koshonani sotib olish cho‘t emas: u 2014-yilning o‘zida salkam 80 million dollar ishlab topgan.

Kvartiraning bunchalik qimmat narxda ekanligi undan ajoyib manzaralarni kuzatish imkoniyati tug‘ilishi bilan izohlansa ajab emas: shimolda—Markaziy park, g‘arbda Gudzon daryosi, janubda esa Manxettenning mashhur binolari.

Foto: Warburg Realty

Foto: Warburg Realty

Bahaybat ikki kishilik karovatga ega shinam yotoqxona.

Foto: Warburg Realty

Foto: Warburg Realty

Kvartiradagi oshxona biroz ensizroq, lekin undan tamaddi qilish uchun kichikroq burchak ham o‘rin olgan.

Foto: Warburg Realty

Foto: Warburg Realty

Uncha katta hajmga ega bo‘lmagan uchinchi xona ish kabineti uchun barpo etilgandek.

Foto: Warburg Realty

Foto: Warburg Realty

Barcha vanna xonalari marmar va ko‘zgular yordamida bezatilgan.

Foto: Warburg Realty

Foto: Warburg Realty

Bu kvartiraning hatto yuvinish xonasidan ham ajoyib manzaralar ko‘zga tashlanadi.

Foto: Warburg Realty

Foto: Warburg Realty

“Tramp Tauer”da istiqomat qiluvchilar binoning o‘zida joylashgan fitnes markazi, kiyimlarni kimyoviy usulda tozalash maskani, restoran va bar xizmatidan foydalanishi mumkin.

Foto: Warburg Realty

Foto: Warburg Realty

 

Izoh
Asosiy yangiliklar
Mahalliy
Samarqandda noqonuniy mayning ferma aniqlandi
Salomatlik
Yutinganda tomoq og‘rib, quloqqa tarqalsa, qanday yo‘l tutish kerak?
Sport
Murodjon Ahmadaliyev IBF kamari uchun himoya jangini o‘tkazadi