Португалия терма жамоаси ва «Реал» ҳужумчиси Криштиану Роналду яқинда Нью-Йоркда, Манхеттэннинг машҳур Бешинчи авенюсида 18,5 миллион долларга данғиллама квартира сотиб олди. Бу ҳақда «Nur.kz» хабар бермоқда.
Роналду «Реал» билан 2018 йилгача мўлжалланган шарномаси якунлангач океан ортига кўчиб ўтиш ва АҚШдаги клублардан бирида тўп суришни ният қилган. 18,5 миллион доллар турадиган квартиранинг қандай ўзига хос жиҳатлари борлигини билишни истайсизми?
Криштиану Роналдунинг квартираси дунёнинг энг бой кишиларидан бири, АҚШ президентлигига номзодликка даъвогар Дональд Трампга тегишли «Трамп Тауэр» осмонўпар биносида жойлашган.
Майдони 230 квадрат метрга тенг бу кошона олдин Дональд Трампнинг бизнесдаги шериги Алессандро Протога тегишли бўлган. «Трамп Тауэр»нинг юқори қаватида жойлашган апартамент 1983 йилда қурилган, унинг интерьери таниқли дизайнер Хуан Пабло Молине томонидан яратилган.
3 та хона ва 3,5 та ванна хоналаридан иборат апартамент Манхеттэндаги истиқомат қилиш учун энг қулай ва нуфузли жой ҳисобланади. Криштиану Роналду учун бундай қимматбаҳо кошонани сотиб олиш чўт эмас: у 2014 йилнинг ўзида салкам 80 миллион доллар ишлаб топган.
Квартиранинг бунчалик қиммат нархда эканлиги ундан ажойиб манзараларни кузатиш имконияти туғилиши билан изоҳланса ажаб эмас: шимолда—Марказий парк, ғарбда Гудзон дарёси, жанубда эса Манхеттэннинг машҳур бинолари.
Баҳайбат икки кишилик кароватга эга шинам ётоқхона.
Квартирадаги ошхона бироз энсизроқ, лекин ундан тамадди қилиш учун кичикроқ бурчак ҳам ўрин олган.
Унча катта ҳажмга эга бўлмаган учинчи хона иш кабинети учун барпо этилгандек.
Барча ванна хоналари мармар ва кўзгулар ёрдамида безатилган.
Бу квартиранинг ҳатто ювиниш хонасидан ҳам ажойиб манзаралар кўзга ташланади.
«Трамп Тауэр»да истиқомат қилувчилар бинонинг ўзида жойлашган фитнес маркази, кийимларни кимёвий усулда тозалаш маскани, ресторан ва бар хизматидан фойдаланиши мумкин.
Изоҳ (0)