“Avtooyna” MChJ korxonasida Chevrolet Aveo avtomobil rusumi uchun xavfsiz oynalar ishlab chiqarishni o‘zlashtirish rejalashtirilmoqda. Bu haqda “O'zavtosanoat” AK axborot xizmati ma’lum qildi.
Shu yil iyul oyida yangi avtomobil rusumi uchun mo‘ljallangan oyna namunalari “GM-Koreya” ishlab chiqarish korxonasida dastlabki sinovdan o‘tkazildi. Bugungi kunda mazkur avtomobil oynalari “GM Uzbekistan” avtomobil zavodining asosiy konveyerida sinovdan o‘tkazishga tayyorlanmoqda.
Rossiya Federatsiyasi davlat standartlashtirish xizmati tomonidan taqdim etilgan ushbu avtomobil oynalari xavfsiz materiallardan foydalangan holda tayyorlanganini tasdiqlovchi sertifikatlar “Avtooyna” MChJga Chevrolet Aveo rusumi uchun mo‘ljallangan avtomobil oynalarini MDH davlatlaridagi ikkilamchi bozorlarga eksport qilish imkoniyatini beradi.
Yangi avtomobil oynalarini 2016-yil boshidan turkum ishlab chiqarish ko‘zda tutilgan.
Eslatib o‘tamiz, “O‘zavtosanoat” aksiyadorlik kompaniyasi vakillari General Motors Uzbekistan O‘zbekiston-Amerika qo‘shma korxonasida yangi T250 (Chevrolet Aveo) modelidagi avtomobillarni seriyali ishlab chiqarishni tashkil etish bo‘yicha loyihani amalga oshirishga kirishgan edi.
Izoh (0)