Facebook’dagi “Voditeli Tashkenta” guruhiga Sirg‘ali bozorida sotuvga qo‘yilgan Matiz avtomashinasi surati joylandi, unda avtomobil sellofanga o‘rab qo‘yilganini ko‘rish mumkin. Post foydalanuvchilarning qizg‘in bahslariga sabab bo‘ldi.
Fikr bildirganlarning ko‘pchiligi hazilomuz qochirimlar qilgan. Chunonchi, kimdir Matiz’ga kostyum-shim kiydirib qo‘yishni tavsiya qilgan bo‘lsa, boshqasi g‘ildiraklari ostiga g‘isht yetishmayotganini pisanda qilgan, yana biri gilam ham to‘shab qo‘yish kerakligini yozgan.
Ba’zi foydalanuvchilar esa bu yerda kuladigan narsa yo‘qligi, Matiz tez chang bo‘ladigan rangda ekanligi tufayli vaqtinchalik o‘rab qo‘yilganligi — bu esa oddiy hol ekanligini ta’kidlagan.
Guruh a’zolarining ba’zilari mashinasini reklama qilib berganliklari uchun Matiz egasidan ziyofat undirish kerak ekanligini hazilomuz qayd etgan.
Izoh (0)