Facebook’даги «Водители Ташкента» гуруҳига Сирғали бозорида сотувга қўйилган Matiz автомашинаси сурати жойланди, унда автомобиль целлофанга ўраб қўйилганини кўриш мумкин. Пост фойдаланувчиларнинг қизғин баҳсларига сабаб бўлди.
Фикр билдирганларнинг кўпчилиги ҳазиломуз қочиримлар қилган. Чунончи, кимдир Matiz’га костюм-шим кийдириб қўйишни тавсия қилган бўлса, бошқаси ғилдираклари остига ғишт етишмаётганини писанда қилган, яна бири гилам ҳам тўшаб қўйиш кераклигини ёзган.
Баъзи фойдаланувчилар эса бу ерда куладиган нарса йўқлиги, Matiz тез чанг бўладиган рангда эканлиги туфайли вақтинчалик ўраб қўйилганлиги — бу эса оддий ҳол эканлигини таъкидлаган.
Гуруҳ аъзоларининг баъзилари машинасини реклама қилиб берганликлари учун Matiz эгасидан зиёфат ундириш керак эканлигини ҳазиломуз қайд этган.
Изоҳ (0)