“O‘zstandart” agentligi tomonidan muvofiqlik sertifikatlarini izlash bo‘yicha yangi interaktiv xizmat joriy etildi. UzReport xabariga ko‘ra, bunda xizmat mahsulotlarni sertifikatlashtirish bo‘yicha akkreditatsiyadan o‘tgan organlar tomonidan berilgan va 2015-yildan Davlat reyestriga kiritilgan sertifikatlarni izlaydi.
Foydalanuvchi sertifikatni blanka raqami, reyestr raqami, arizachining STIR raqami, amal qilish muddati, sertifikatlashtirish idorasi, arizachining nomi, mahsulot nomi bo‘yicha izlashi mumkin. Har bir foydalanuvchi 2015-yilda berilgan muvofiqlik sertifikatini uning Davlat reyestrida borligini tekshirib ko‘rishi mumkin.
“O‘zstandart” agentligi matbuot xizmati xabariga ko‘ra, mazkur xizmatni 2015-yil yanvarida mahsulotlarni sertifikatlashtirish bo‘yicha ishlarni hisobga olish axborot tizimi joriy etilganidan so‘ng amalga oshirish imkoni paydo bo‘ldi.
Izoh (0)