Америкада чоп этиладиган Travel + Lesure номли сайёҳлар журнали ўзининг салкам 200 минг ўқувчиси иштирокида дунёдаги 266 та шаҳар орасидан энг меҳмоннавозини танлади. Рўйхатнинг биринчи учлигига Ирландиянинг бирйўла икки шаҳри —Голуэй (биринчи ўрин) ва Дублин (учинчи ўрин) кирди. Иккинчи ўрин эса АҚШнинг Жанубий Каролина штатидаги Чарлстон шаҳрига насиб этди. Бу ҳақда «RBK» хабар бермоқда.
Журнал сайёҳларни хушламайдиган шаҳарлар рўйхатини ҳам тузган. Ундаги дастлабки ўринларда Россиянинг икки шаҳри—Москва (биринчи ўрин) ва Петербург (учинчи ўрин) жойлашган. Москва бундай номга йўлдаги тиқинлар, таомланиш борасидаги муаммолар ва маҳаллий аҳолини сайёҳларга ёрдам беришни истамаслиги туфайли «эришган» бўлса, Петербург, гарчи меъморий обидалари барчада ҳайрат уйғотса-да, аҳолининг мезбонлик қоидаларидан бехабарлиги сабабли сайёҳларга маъқул келмаган.
Рўйхатнинг иккинчи ўрнида АҚШнинг Нью-Жерси штатидаги Атлантик-сити шаҳри қайд этилган. Журнал ўқувчиларининг фикрича, ушбу шаҳардаги одамларнинг муомаласи ўта қўпол экан.
Изоҳ (0)