Bugun,

  • USD 11095.31
  • RUB 173.84
  • EUR 10772.44

O‘zbekiston mustaqilligi arafasida ijtimoiy tarmoqlarda “Men seni sevaman, O‘zbekiston” (I Love Uzbekistan) nomli ijtimoiy aksiya o‘tkazilmoqda. Fleshmob o‘tkazish tashabbusini huquqshunos va bloger Xushnudbek Xudayberdiyev o‘zining Facebook’dagi sahifasi orqali e’lon qilgan.

Foto: myday.uz

Foto: myday.uz

“Aziz yurtdoshlar! Keling, bir kichik ijtimoiy aksiya, aniqrog‘i fleshmob o‘tkazib ko‘ramiz. Internetda ko‘plab fleshmoblar o‘tkazilgan. Kimlardir o‘z ustidan suv quygan, kimlardir oyog‘ini osmondan qilib yurgan va h.k.

Shu o‘rinda Vatanimiz, Ona diyorimiz mustaqilligining 24 yillik to‘yiga bag‘ishlab, kichik ijtimoiy aksiya o‘tkazsak, yomon bo‘lmasdi, deb o‘yladim. Ijtimoiy aksiya ‘Men Seni sevaman, O‘zbekiston’ (I love Uzbekistan) deb nomlanadi va shartlari juda oddiy. Shunchaki, ko‘krakning chap yuqori qismida qo‘llarimiz bilan majoziy ma’nodagi yurakchani aks ettiruvchi shaklni hosil qilib rasmga tushamiz va ushbu rasmni ijtimoiy tarmoqdagi profillarimizga (Facebook, Instagram, Twitter va h.k.) joylaymiz. Bunda albatta ‪#‎ILoveUzbekistan‬ heshtegini qo‘shib yozishni unutmaymiz. Yoki kimgadir qulayroq bo‘lsa, shunchaki o‘ng qo‘lni, chap ko‘kragining ustiga qo‘yib tushsa ham bo‘laveradi.

Foto: Facebook / Xushnudbek Xudayberdiyev

Foto: Facebook / Xushnudbek Xudayberdiyev

Bunday shakldagi rasmdan katta falsafiy ma’no qidirib o‘tirmang. Shunchaki, Vatanimizga bo‘lgan muhabbatimiz bizning qalbimizda, yuragimizda ekanligini oddiy, sodda usulda aytishga harakat qilamiz xolos.

Bor-yo‘g‘i shu. Ushbu ijtimoiy aksiya yurtdoshlarimiz orasida qay darajada keng tarqaladi, bilmadim. Balkim ko‘pchilik bunga jiddiy qaramas, balki bema’nilik deb baho berar. Lekin o‘ylashimcha, Vatanimizning eng ulug‘, eng aziz bayrami uchun, bir marta shunaqa rasmga tushsak, foyda bo‘lsa, bo‘ladiki, lekin ziyon qilmasa kerak”, — deb yozadi Xushnudbek.

17-avgustdan boshlangan ushbu aksiyani ijtimoiy tarmoqlarning ko‘plab o‘zbekistonlik foydalanuvchilari qo‘llab-quvvatlab, o‘z suratlarini joylashtirishda davom etmoqda.

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova