Rossiyadan uchirilgan “Topol” ballistik raketasi Toshkent osmonida ko‘rinish berdi

Rossiyadan uchirilgan “Topol” ballistik raketasi Toshkent osmonida ko‘rinish berdi, deya xabar bermoqda “Kun.uz” internet-nashri.

“22-avgustda Moskva vaqti bilan 18:13 (Toshkent vaqti bilan 20:13) da Rossiyaning strategik vazifalarni bajaruvchi qo‘shinlari tomonidan Rossiyaning Astraxan viloyatida “Kapustin Yar” davlat markaziy poligonidan RS-12M “Topol” qit’alararo ballistik raketasi sinov parvozi amalga oshirildi”, — deb xabar berdi “Interfaks” axborot agentligiga Rossiya Mudofaa vazirligi vakili polkovnik Igor Yegorov.

https://www.youtube.com/watch?v=YFpXxB74bGo&feature=youtu.be

Yegorovning aytishicha, “parvozdan maqsad qit’alararo ballistik raketalarning jangovor jihozlanishini sinovdan o‘tkazish bo‘lgan”. Raketaning jangovor qismi Qozog‘istondagi “Sari-Shag‘an” poligonidagi shartli nishonni berilgan aniqlik bilan bartaraf etdi.

Raketa uchirilgandan biroz o‘tib, taxminan soat 20:15—20:30 oralig‘ida Toshkentning ba’zi tumanlari, shunindek, O‘zbekistonning Qozog‘istonga yaqin hududlari aholisi osmonda noma’lum uchar jismni kuzatgan. Bu uchar jism Rossiyadan uchirilgan ballistik raketa bo‘lishi mumkin, degan taxmin bor. Hozircha mazkur holat yuzasidan biror-bir rasmiy izoh berilgani yo‘q.