Xitoyning eng shimoliy nuqtasida yuqori tezlikdagi temiryo‘l ishga tushirildi

17-avgust, dushanba kuni Xitoyning Xeylunszyan provinsiyasida mamlakatning eng shimoliy nuqtasida joylashgan yuqori tezlikdagi temiryo‘l ishga tushirildi. Bu haqda China News ma’lumotlariga tayanib, “RIA Novosti” xabar bermoqda.

281 kilometr uzunlikdagi yangi tarmoq Xarbin va Sitsikar shaharlarini birlashtirdi. Poyezdlarning maksimal tezligi soatiga 250 kilometrni tashkil etishi, yo‘lovchilar oqimi esa yiliga 8 million kishiga yetishi mumkinligi aytilmoqda.

Xitoy dunyo bo‘yicha yuqori tezlikdagi temiryo‘llarning eng rivojlangan tarmog‘iga ega: ularning umumiy uzunligi 19 ming kilometrga boradi.