Toshkentning Oybek ko‘chasida 8-avgust, shanba kuni soat 14:00 atrofida 67-yo‘nalishda harakat qilayotgan avtobus simyog‘ochga borib urildi. Facebook’dagi “Potrebitel.uz” guruhida guvohlar va militsiya xodimlariga asoslanib qoldirilgan xabarga ko‘ra, hodisaga haydovchining rulda uxlab qolgani sabab bo‘lgan.
Hodisa yuz bergan vaqtda avtobus ichida o‘nga yaqin yo‘lovchi bo‘lgan, ularning hech biri jabrlanmagan. Xabar ostida guvohlar tomonidan qoldirilgan fikrlarda haydovchiga ham zarar yetmagani, faqat chiptachi har yeri og‘riyotganidan shikoyat qilgani bildirilgan.
“Yaxshiyamki, hech kim jabrlanmadi, vaholanki, bundan ham yomonroq bo‘lishi mumkin edi. Ag‘darilgan simyog‘och o‘ziga qanday tezlik va zarbni qabul qilganini ta’riflashning ham hojati yo‘q”, — deydi “Potrebitel.uz”dagi xabar muallifi.
Izoh (0)