Suriya prezidenti Bashar Asadning qarindoshi qotillik uchun hibsga olindi

Suriyada prezident Bashar Asadning jiyani hibsga olindi, deya xabar bermoqda “Korrespondent.net” SANA davlat axborot agentligiga tayanib.

“Mas’ul organlar Sulaymon Hilol Asadni qo‘lga oldi va uning ishini ko‘rib chiqish uchun tegishli instansiyalarga topshirdi”, — deyiladi xabarda.

Aniqlik kiritilishicha, prezidentning qarindoshi 10-avgust, dushanba kuni qishloq joydagi fermada hibsga olingan. Latakiya sohilbo‘yi shahrida prezident amakivachchasining o‘g‘li polkovnik Hasan Shayxni farzandlari ko‘z o‘ngida otib tashlagan. Bunga harbiy o‘z mashinasida Sulaymon Asadning mashinasini quvib o‘tgani sabab bo‘lgan.

Hodisadan so‘ng Latakiyada norozilik aksiyalari boshlandi. Ko‘chalarga minglab odamlar chiqib, prezidentning qarindoshini javobgarlikka tortishni talab qildi.