“Car.uz” Chevrolet Tracker avtomobili haqida qisqacha ma’lumot taqdim etdi.
Ushbu model 2012-yilda Parij avtosalonida debyut qilgan. Tracker nomi faqat MDH va Rossiya hududida sotish uchun qo‘llanila boshladi, rasman esa mashina Chevrolet Trax deb nomlanadi.
Mini-krossover taniqli Chevrolet Aveo/Sonic bazasida chiqariladi. Tracker’ning old qismi Chevrolet’ning firma uslubida ishlangan. Orqa qanotlari esa “shishirilgan” ko‘rinishda. Avtomobil saloni ancha keng bo‘lib, u yerda mayda buyumlar uchun quti va tokchalar ko‘p. Yukxona hajmi 358 litrga teng.
Nashr eslatishicha, avvalroq GM Uzbekistan Chevrolet Tracker’ni ishlab chiqarishi haqida mish-mishlar paydo bo‘lgan edi, ammo bu rasman tasdiqlanganicha yo‘q.
Eslatib o‘tamiz, GM Uzbekistan xodimlari Chevrolet Orlando avtomobili va yangi Chevrolet Tracker modelini Rally Muynak loyihasi doirasida sinab ko‘rgan edi.