«Car.uz» Chevrolet Tracker автомобили ҳақида қисқача маълумот тақдим этди.
Ушбу модель 2012 йилда Париж автосалонида дебют қилган. Tracker номи фақат МДҲ ва Россия ҳудудида сотиш учун қўлланила бошлади, расман эса машина Chevrolet Trax деб номланади.
Мини-кроссовер таниқли Chevrolet Aveo/Sonic базасида чиқарилади. Tracker’нинг олд қисми Chevrolet’нинг фирма услубида ишланган. Орқа қанотлари эса «шиширилган» кўринишда. Автомобиль салони анча кенг бўлиб, у ерда майда буюмлар учун қути ва токчалар кўп. Юкхона ҳажми 358 литрга тенг.
Нашр эслатишича, аввалроқ GM Uzbekistan Chevrolet Tracker’ни ишлаб чиқариши ҳақида миш-мишлар пайдо бўлган эди, аммо бу расман тасдиқланганича йўқ.
Эслатиб ўтамиз, GM Uzbekistan ходимлари Chevrolet Оrlandо автомобили ва янги Chevrolet Tracker моделини Rally Muynak лойиҳаси доирасида синаб кўрган эди.
Изоҳ (0)