Yo‘lovchi tashish faoliyatini yanada yaxshilash va aholiga sifatli avtotransport xizmatlarini ko‘rsatish maqsadida Toshkent viloyatida yo‘lovchi tashish faoliyati bilan shug‘ullanayotgan avtotransport korxonalari tomonidan Isuzu rusumli avtobuslarni sotib olish rejalashtirilgan. Bu haqda O‘zbekiston avtomobil va daryo transporti agentligi axborot xizmati xabar bermoqda.
Hozirgi kunda Toshkent viloyati Olmaliq shahrida yo‘lovchilarni shaharlararo yo‘nalishlarda tashish faoliyatini amalga oshirayotgan “Damas trans” MChJ tomonidan 1 dona va “Olmaliq Imkon Plyus” MChJ tomonidan 6 dona Isuzu rusumli avtobuslar “O‘zavtosanoat-lizing” kompaniyasi orqali lizing asosida sotib olinib, VX-326-sonli “Olmaliq AShB—Toshkent ABB” va VX-533-sonli “Chirchiq AAB—Uch Qahramon savdo majmuasi” yo‘nalishlarida aholiga sifatli xizmat ko‘rsatish bilan birga yangi 7 ta ish o‘rni yaratildi.
Shuningdek, Toshkent viloyati Zangiota tumanida joylashgan “Yaxshi Niyat Savdo” MChJ tomonidan OATB “O‘zsanoatqurilishbank” Mirobod filialining lizingi asosida 20 dona Isuzu avtobuslari sotib olindi. Korxona tomonidan aholiga buyurtma asosida xizmat ko‘rsatilmoqda. Natijada 20 nafar haydovchi ish bilan ta’minlandi.