“O‘zbekenergo” kompaniyasi Ustyurt gaz-kimyo majmuasining 45 million dollarlik tashqi energiya ta’minoti obyektlari qurilishini yakunladi, deya xabar bermoqda “Gazeta.uz”.
Loyiha biri 138 km uzunlikdagi 220 kVt va ikkinchisi 18 km uzunlikdagi 110 kVt yuqori kuchlanishli liniyalar o‘rnatilgan 220 kVt quvvatiga ega podstansiya qurilishini ko‘zda tutgan edi. Qurilish “O‘zbekenergo”ning o‘z mablag‘lari va O‘zbekiston banklari kreditlari hisobidan amalga oshirildi.
Surg‘il koni negizida bunyod etilayotgan Ustyurt gaz-kimyo majmuasi O‘zbekiston va Janubiy Koreya hamkorligi namunasidir. Loyihaning umumiy qiymati 3,9 milliard AQSh dollarini tashkil qiladi. Uning amalga oshirilishi yiliga 4,5 milliard kub metr tabiiy gazni qayta ishlash hisobidan 3,7 milliard kub metr gaz, 387 ming tonna polietilen, 83 ming tonna polipropilen, 102 ming tonna piroliz benzini va boshqa qimmatbaho mahsulotlar ishlab chiqarish imkonini beradi.
Izoh (0)