Dam olish kunlari havo harorati yanada ko‘tariladi

O‘zbekiston Gidrometeorologiya xizmati markazi 18—19-iyul kunlari uchun kutilayotgan ob-havo ma’lumotini e’lon qildi, deb xabar beradi “Uz24.uz”.

Mamlakatning deyarli barcha mintaqalarida, shu jumladan Toshkentda ham havo harorati kechqurun 27—32 darajani, kunduzi 39—44 darajani tashkil qiladi. Respublikaning ba’zi mintaqalarida havo harorati 46 darajagacha yetishi mumkin.

Farg‘ona vodiysida havo harorati nisbatan pastroq bo‘ladi — kechasi 22—27, kunduzi 35—40 daraja.

Tog‘li tumanlarda havo harorati kunduzi 30—35 daraja bo‘lishi kutilmoqda.