O‘zbekiston xalq hofizi Ma’murjon Uzoqov xotirasiga bag‘ishlangan Respublika ko‘rik-tanlovi 2015-yilning 22-iyul kuni soat 10:00 da Farg‘ona viloyati Marg‘ilon shahridagi Ma’murjon Uzoqov nomidagi madaniyat va istirohat bog‘ida bo‘lib o‘tadi. Bu haqda tanlov tashkilotchisi O‘zbekiston Respublikasi Madaniyat va sport ishlari vazirligi Respublika xalq ijodiyoti va madaniy-ma’rifiy ishlar ilmiy-metodik markazi matbuot xizmati xabar bermoqda.
Tadbirdan ko‘zlangan asosiy maqsad 2015-yil “Keksalarni e’zozlash yili” Davlat dasturi ijrosini ta’minlash, O‘zbekiston xalq hofizi Ma’murjon Uzoqov yaratgan ulkan ijodiy uslubni yoshlar orasida keng targ‘ib etish, uning boy madaniy merosiga ehtirom ko‘rsatish, ustoz san’atkorning baland pardalarda kuylagan “Sayding qo‘yaber, sayyod”, “Bu gulshan soz ekan”, “Mustahzod” “Sho‘xi parivashga”, “Jonon bo‘laman deb”, “Shaydo bo‘libman”, “Yor istab” kabi katta ashula va qo‘shiqlarini ijro eta oladigan yosh iste’dod sohiblarini aniqlash, ularni qo‘llab-quvvatlash va ularning katta sahnalarda ham o‘z ovoz imkoniyatlarini namoyish etishlariga yordam ko‘rsatishdan iborat.
Ko‘rik-tanlov O‘zbekiston Respublikasi Madaniyat va sport ishlari vazirligi Respublika xalq ijodiyoti va madaniy-ma’rifiy ishlar ilmiy-metodik markazi, O‘zbekiston Milliy teleradiokompaniyasi, Farg‘ona viloyati hokimiyati hamda Madaniyat va sport ishlari boshqarmasi Respublika “Tasviriy oyna” ijodiy uyushmasi bilan hamkorlikda o‘tkazilmoqda.
Respublika tanlovida hududiy bosqichlarda g‘olib bo‘lgan 25 nafardan ortiq xonanda ishtirok etadi.
Izoh (0)