Misrlik taniqli aktyor Umar Sharif Qohirada 83 yoshida vafot etdi. Bu haqda “Exo Moskvi” radiosi xabar bermoqda.
Keyingi bir necha yil davomida u Alsgeymer, ya’ni parishonxotirlik xastaligidan aziyat chekayotgandi. Aynan shu kasallik tufayli Umar Sharif rollar o‘ynashdan bosh tortgan va 2012-yilda aktyorlik karyerasini yakunlagan.
Aktyor ishtirokidagi 1962-yilda ekranlarga chiqqan “Arabistonlik Lourens” filmi “Oskar»ga da’vogar bo‘ldi va “Oltin globus» mukofotini qo‘lga kiritdi. Umar Sharif ikkinchi “Oltin globus”ni keltirgan “Doktor Jivago”, shuningdek, “Makkena oltini”, “Kulgili qizaloq”, “Rim imperiyasining qulashi” kabi 50 dan ziyod filmlarda o‘ynagan.
Izoh (0)