Rejissor Rustam Sa’diyev Toshkentda ishchi nomi “Baron” bo‘lgan yangi filmni suratga olishni boshladi, deya xabar bermoqda “Myday.uz”.
Film dunyodagi eng dolzarb muammolardan biri hisoblangan narkotrafik — narkotik vositalar kontrabandasi haqida hikoya qiladi. Unda Ulug‘bek Qodirov, Dilnoza Kubayeva, Javohir Zokirov, Behzod Hamroyev kabi o‘zbek aktyorlari bilan bir qatorda, Andrey Smolyakov, Pavel Priluchniy, Viktor Verjbitskiy, Farhod Mahmudov kabi rossiyalik mashhur aktyorlar rol o‘ynaydi.
Kartina ijodkorlari film syujetini aniq oshkor etmayapti, biroq film ekshn sahnalarga boy, o‘tkir syujetli janrda tasvirga olinayotganligini ma’lum qildi. Syomka ishlari nafaqat O‘zbekistonda, balki Rossiya va Turkiyada ham olib boriladi.
Izoh (0)