Xitoyda rasmiylar mahalliy supermarketlardan birida haqiqiy iOS 8 operatsion tizimi o‘rnatilgan 30 tadan ko‘proq qalbaki iPhone 4S smartfonlarini qo‘lga tushirdi, deb xabar bermoqda “Hi-tech.Mail.ru”.
Qayd etilishicha, odatda qalbaki iPhone’larning operatsion tizimi Android bo‘lib, interfeys ko‘rinishi jihatidan iOS’ga o‘xshatib ishlangan bo‘ladi. Biroq haqiqiy iOS o‘rnatilgan qalbaki smartfonlar birinchi marta aniqlanmoqda. Qurilmalar to‘liq to‘plamda haqiqiy o‘ramlarda taklif etilgan.
Aybdorlar qalbakilashtirish uchun 16 300 dollarga teng miqdorda jarima to‘lashiga to‘g‘ri keladi. Qalbaki smartfonlardagi haqiqiy iOS’da kompaniyaning boshqa servislari ishlashi yoki ishlamasligi, shuningdek haqiqiy iOS o‘rnatilgan iPhone’ning yangiroq versiyalari bor yoki yo‘qligi ma’lum qilinmagan.
Izoh (0)