Rossiya kompaniyalari dunyodagi eng yirik kompaniyalar yuzligidan chiqib ketdi

Rossiya kompaniyalari Financial Times’ning kapitalizatsiya bo‘yicha jahon reytingida birinchi yuztalikka kirmadi, deya xabar bermoqda Meduza. Dunyoning eng yirik 500 ta kompaniyasi ro‘yxatida “Gazprom” eng yaxshi natija ko‘rsatdi, u bir yil ichida 83-o‘rindan 170-o‘ringa tushib qoldi.

Financial Times ro‘yxatidan Rossiyaning jami beshta kompaniyasi joy oldi, bular “Gazprom”, “Rosneft” (213-o‘rin), “LUKOYL” (271), “Norilskiy nikel” (421) va “Surgutneftegaz” (441).

O‘tgan yili 177-pog‘onani band etgan “Sberbank” kapitalizatsiya bo‘yicha dunyoning eng yirik 500 ta kompaniyalari qatoriga kirmadi.

Financial Times ro‘yxatiga kirgan kompaniyalarning umumiy kapitalizatsiyasi bo‘yicha Rossiya 19-o‘rinni egalladi.