Isroil ichki ishlar vazirining rafiqasi, radioboshlovchi Judi Shalom Nir-Mozes Twitter’da AQSh prezidenti Barak Obama haqida qilgan hazili uchun kechirim so‘radi, deb xabar beradi “Nur.kz”. Uning yozuvini ko‘pchilik irqchilik sifatida qabul qilgandi.
Vazirning xotini tvitni o‘chirib tashladi va “ahmoqona hazili” uchun uzr so‘radi.
Oldinroq Twitter’da 75 ming obunachiga ega Judi Shalom Nir-Mozes o‘z mikroblogida “‘Obama qahvasi’ nima ekanligini bilasizmi? U qora va kuchsiz”, deb yozgandi.
Radioboshlovchining eri, Isroil IIV rahbari Silvan Shalom may oyida bosh vazir Binyamin Netanyaxu tomonidan falastinliklar bilan tinchlik muzokaralari o‘tkazishga va AQSh bilan strategik munosabatlarga mas’ul etib tayinlangandi.
Judi Shalom Nuri-Mozes bu hazili uning oilasini buzilishiga olib kelmasligiga umid qildi.
“Kimnidir xafa qilgan bo‘lsam, buning uchun uzr so‘rayman. Turmush o‘rtog‘im samolyotdan tushib, qilgan ishimdan xabar topganidan keyin ham erli xotin bo‘lib qolishga umid qilaman”, — deb yozdi radioboshlovchi.
Izoh (0)