NATOga a’zo davlatlar mudofaa vazirlari ishtikoridagi yig‘ilishda alyansning tezkor qo‘shin kuchlarini 30—40 ming kishiga yetkazish to‘g‘risida qaror qabul qilinadi, deb xabar beradi “Korrespondent”.
Bu haqda alyans bosh kotibi Yens Stoltenberg ma’lum qildi.
“Bu avvalgi miqdordan ikki barobardan ham ko‘proq deganidir. Fevral oyida quruqlikdagi qism bitta brigadadan tashkil etilishi to‘g‘risida qaror qabul qilingandi. Shu haftadagi uchrashuvda biz ‘nayza uchi’ tarkibidagi havo, dengiz va maxsus kuchlar qismini tasdiqlaymiz”, — dedi Stoltenberg.
Uning so‘zlariga ko‘ra, NATO Sharqiy Yevropada alyansning tezkor javob ko‘rsatish kuchlarining 6 ta shtabini tashkil qiladi. Mudofaa vazirlarining yig‘ilishi 24-iyun kuni Bryusselda o‘tkaziladi.
Izoh (0)