Koreya Respublikasi Shimoliy Koreya tomonidan bo‘layotgan noroziliklarga qaramay, Seulda KXDRdagi inson huquqlari bo‘yicha BMT ofisi ochishdan voz kechmoqchi emas, deb yozadi “TASS” Janubiy Koreya birlashuv vaziri Lim Byon Chxolga tayanib.
“Shimoliy Koreya hukumati BMTning ushbu vakolatxonasi ochilishini tanqid qilmasligi kerak, aksincha o‘z mamlakatidagi inson huquqlari bilan bog‘liq sohadagi vaziyatni yaxshilash uchun u va xalqaro jamoatchilik bilan birga ishlashi kerak”, — dedi u.
BMT ofisi Seulda 23-iyun kuni ochiladi. Bu Pxenyanda kuchli norozilikka uchradi, u mamlakatda bu sohada bo‘layotgan ommaviy qoidabuzrliklar haqidagi xabarlarni rad etmoqda. Mamlakat rahbariyati fikricha, bu ayblovlar AQSh tomonidan uyushtirilgan bo‘lib, u shu tariqa KXDRdagi mavjud rejimni ag‘darmoqchi.
Eslatib o‘tamiz, avvalroq KXDR terma jamoasi Seulda BMTning KXDRdagi inson huquqlari bo‘yicha idorasi ochilishiga norozilik tariqasida Kvanju (Janubiy Koreya)dagi Universiadada qatnashishdan bosh tortgani xabar berilgan edi.
Izoh (0)