Bermud uchburchagi 90 yil avval yo‘qolgan kemani qaytardi

Kuba sohillari yaqinida 1926-yili Bermud uchburchagi hududida izsiz yo‘qolgan AQSHning SS Cotopaxi savdo kemasi topildi. Bu haqda “Segodnya.ua” xabar bermoqda.

Kuba sohil qo‘riqlash xizmati 16-may kuni Gavana g‘arbidagi kema qatnovi uchun yopiq deb e’lon qilingan suvlarda noma’lum obyekt suzib yurganini qayd etib, uni qo‘lga olish uchun patrul katerlarini yuborgan.

Daydib yurgan kimsasiz kema bortiga chiqqan chegarachilar o‘tgan asrning 20-yillarida Clinchfield Navigation Company paroxod kompaniyasi xizmatchisi, kapitan Meyerning kundaligini topishgan. Bortda ekipajning izlari ham, kemaning yo‘qolishi sabablari ham topilmagan.

1926-yil 29-noyabrda Meyer boshqaruvidagi SS Cotopaxi yuk paroxodi Janubiy Karolinadagi Charlston portidan ko‘mir olib, Gavanaga yo‘lga chiqqan. 1-dekabrda esa kema falokat signalini yuborgan va aloqa uzilgan, kemani izlash ishlari besamar ketgan.

31-dekabr kuni esa paroxod yo‘qolgani rasman e’lon qilingan. Shundan beri SS Cotopaxi Bermud uchburchagi qurbonlari ro‘yxatidan o‘rin olib keladi.