Toshkent markazida faoliyat yurituvchi “Ishonch” kompaniyasi — har doim e’tibor markazida. O‘z faoliyatini 2004-yilda tezkor poligrafiya xizmatlarini ko‘rsatish sohasida boshlagan kompaniya tez-tez o‘ziga xos yangiliklarni taqdim etib keladi. Reklama-tijorat mahsulotlarini ishlab chiqarish bo‘yicha ishlar ham O‘zbekistonda, ham xorijda jismoniy va yuridik shaxslar bilan olib boriladi. Raqamli va ofset chop etish bilan ta’minlash hamda qator boshqa xizmatlar bilan birgalikda kompaniya Toshkentda birinchi marta turli xildagi ehtiyojlar uchun butun dunyoga mashhur, o‘ziga xos go‘zal milliy bezak — iqat asosida sumka namunalari seriyasini ishlab chiqdi. Endi ulardan deyarli barcha vaziyatlar uchun foydalanish mumkin. Lekin bu haqda batafsil ma’lumot berishdan oldin ta’kidlash lozimki, “Ishonch” kompaniyasi shu nomli brend bilan ko‘palb buyurtmachilar orasida yaxshi nufuzga ega va iste’molchilarning ishonchini qozongan.
Shahar markazida, Bosh pochtamt yonida joylashgan, eng zamonaviy uskunalarga va yuqori malakali mutaxassislarga ega kompaniya tezkor poligrafiya sohasidagi buyurtmalarni ishlab chiqarishda eng yaxshi natijalarni ta’minlaydi. Professional boshqaruv, korxonaning Toshkent markaziga yaqinligi, barcha bosqichlarda buyurtmalar bajarilishi sifatining nazorat qilinishi va maqbul narxlar kompaniyaning tez rivojlanishiga va shaharda yuqori mavqega erishishiga zamin yaratmoqda. Bundan tashqari, uning mahsulotlari mutaxassislar fikricha jahon standartlariga mos keladi.
O‘ziga xos mahsulot — sovg‘abop qog‘oz sumkalarning ishlab chiqarilishi bilan bog‘liq savollarimizga “Ishonch” tezkor poligrafiya kompaniyasining marketing bo‘limi boshlig‘i Behzod Yakubov javob beradi.
− Behzod Riskibayevich, kompaniyangiz nima uchun bunday sumkalarni ishlab chiqarishga qaror qildi, ularning hajmi qanday, alohida ustunliklari nimada?
− Sovg‘abop qog‘oz sumkalar bir paytlar xorijdan keltirilgan g‘aroyib narsalar deb hisoblanardi, nufuzli va qimmat do‘konlarni chiroyli qog‘oz sumkalarsiz tasavvur qilib bo‘lmasdi. Bunday sumka egasi o‘z-o‘zidan u yoki bu brend do‘konlarida savdo qilishga odatlangan omadli kishi maqomini olardi. Bugun chiroyli qog‘oz sumka imijdagi qo‘shimcha aksessuarga aylandi va ayollarimiz hayotida muhim o‘rin egalladi. Basseynga yoki plyajga, kimyoviy tozalash maskaniga yoki sovg‘a bilan mehmonga borishni, diplom ishi yoki referat bilan yurishni bunday sumkasiz tasavvur qilish qiyin.
Bunday sovg‘abop sumkalarni biz yaqinda IMPacking brendi ostida chiqara boshladik. Bu sumkalarning buyurtmachilari o‘z mahsulotlarini reklama qiluvchi turli kompaniyalar, shuningdek butiklar — kiyim-kechak bozorining qimmat segmentidagi brend do‘konlar bo‘lmoqda. Ishlab chiqarish liniyasi olib kelinishidan oldin mahsulotlar qo‘lda yig‘ilardi va yelimlanardi. Hozir esa barchasi mashinalarda tez va sifatli bajarilmoqda. Mijozlarimizning kompaniyalari ham biz bilan birga rivojlanmoqda. Shuningdek, bu bizga ko‘proq yangi xaridorlarni jalb qilmoqda. Ular asosan ko‘rgazmalarda, kooperatsion yarmarkalarda va kompaniyalar bir-biri bilan faol tarzda korporativ sovg‘alar almashadigan bayramlar arafasida buyurtma beradi. Qo‘lda yig‘ish va yelimlash tezligi bizning o‘sib borayotgan hajmimizni qondirolmay qoldi. Biz kompaniyamizning bu yo‘nalishiga yangi turtki berish kerak, deb hisobladik. Shuning uchun Xitoydagi ko‘rgazmaga tashrif buyurib, kerakli uskunani kredit asosida sotib olishga qaror qildik. Hozirda undan foydalanyapmiz.
Biz bevosita bozorda va turmushda qog‘oz sumkalar ishlatilishiga bir necha bor guvoh bo‘lganmiz. Xarid qilganimizda mahsulotlarni turli sumkalarga o‘rab berishgan, do‘stlarimizga, qarindoshlarimizga, hamkasblarimizga sovg‘a olganimizda shunga munosib o‘ram izlaganmiz. Har safar qo‘limizga Xitoyda ishlab chiqarilgan sumka (bu hech kimga sir emas) kelib tushgan. Biroq xitoylik ishlab chiqaruvchi ushbu aksessuar bizning mintaqamizga tegishliligi bilan ajralib turishi uchun nima taklif qila oladi? U sizning o‘ziga xosligingizni, milliy ranglarni, uslubingizni ko‘rsatishi uchun nima qilish kerak? Sir emaski, iqat uslubi oxirgi paytlarda dunyodagi barcha uylarga kirib bormoqda. Kiyimlar, oyoq kiyimi, erkaklar uchun aksessuarlar, choyshablar, interyer, dokor va esdalik sovg‘alarda — barcha joyda iqat paydo bo‘ldi, qog‘oz sumkalar esa bundan mustasno edi. Bu mahsulotni muvaffaqiyatli ilgari surish uchun ajoyib taklif bo‘ldi.
− Zargarlik, attorlik mahsulotlarini sotib olib, ularni tezkorlik bilan biror joyga qo‘yish lozim bo‘lsa, nima qilish kerak? Sizda shunday mahsulot bormi?
- Biz uchun mijozlarimizning murojaatlari juda qadrli va muhim. Ularning so‘rovlarini o‘rganganimizda sovg‘abop qog‘oz sumkalar atir, taqinchoqlar, kichik esdaliklar, soatlar kabi mayda sov‘galar uchun kichik hajmda ham bo‘lishi lozimligi ma’lum bo‘ldi. Bizda kichik hajmdagi sumkalarni ham buyurtma qilish mumkin, ular ham juda chiroyli va qulay. Bunday o‘ziga xos sumkachalar mamlakatimizga xos bo‘lgan to‘y va yubileylar uchun juda ommabop. Biz hajmlar uchun keng tanlov taklif etamiz — juda kichik sovg‘a uchun, katta hajmdagi sovg‘a yoki kiyim uchun ham.
− Sumkalaringizning o‘zini ham sovg‘a deb hisoblash mumkinmi?
− Shubhasiz. Qaytaraman — sovg‘abop qog‘oz sumka ko‘plab ayollarning garderobida qulay aksessuarga aylanib ulgurgan. Birinchidan, u juda yengil, ikkinchidan, oson tekis bo‘lib taxlanadi, eng muhimi — turli ranglar va hajmdagi mahsulotlarni nisbatan kam pul sarfi evaziga xarid qilish mumkin.
− Buyurtmachi kompaniya bu sumkalarda uning nomi, firma belgilari yoki buyurtmachi ismining bosh harflari joylashtirilishini so‘rashi mumkinmi?
− Biz bunday xizmatni yaqindagina joriy etdik. Bu o‘z korxonasi imijini individuallashtirishni maqsad qilgan tadbirkorlar orasida katta talabga ega. Bu juda oqil qaror. Aniq misol keltiraman: agar kompaniyangiz logotipi tushirilgan qog‘oz sumkalarga buyurtma berishni istasangiz, adadi o‘rtacha 500 tadan kam bo‘lmasligi lozim va tayyorlash uchun 1 haftadan 10 kungacha vaqt ketadi. Bu kam emas va kichik kompaniya uchun anchaga tushadi. Biz esa u yoki bu logotipni tayyor mahsulotga 3—5 kunda joylashtirib bera olamiz. Adadi kam bo‘lsa, masalan 50 tacha chiqarilsa, xarajat ham kam bo‘ladi. Bu tadbirkorlarga anchagina mablag‘ tejagan holda o‘z imijini qurish imkonini beradi
− Kompaniyangiz turli tadbirlar, yubileylar, to‘ylar, tug‘ilgan kunlar o‘tkazuvchilarga yana qanday yangilik taklif qilishi mumkin?
- O‘ylaymanki, yuqorida keltirilgan barcha xizmatlar jismoniy shaxslarga, jumladan yosh kelin-kuyovlarga ham qiziqarli va foydali bo‘ladi. Biz ularga dekor va zamonaviy poligrafiyaning boshqa texnologiyalaridan foydalanish usullari hisobiga tantanavorlikning ko‘proq jihatlari qo‘shilgan alohida sumka variantlarini taklif qilishimiz mumkin.
− “Ishonch” MChJning yaqin kelajak uchun rejalari qanday?
− Poligrafiya texnologiyalari bir joyda turmaydi. Har yili ko‘rgazmalarda bizga o‘z poligrafiyamizni rivojlantirish uchun g‘oyalar beruvchi yangiliklar taklif etiladi. Biz zamon bilan hamnafasmiz — biznesda boshqachasi bo‘lmaydi — yangiliklar kiritib, mijozga doimiy ravishda yangi tanlov beruvchi doim g‘olib bo‘ladi.
− Buyurtma berish uchun kompaniyangiz bilan qanday bog‘lanish mumkin?
− Biz yangi aloqalarni o‘rnatish va yangi sheriklarni izlash uchun Facebook ijtimoiy tarmog‘idagi o‘zimizning “Ishonch“ nomli sahifamizda faol ishlaymiz, shuningdek www.ishonchprint.uz veb sahifamizga egamiz, biz bilan info@ishonchprint.uz elektron manzili orqali ham bog‘lanish mumkin.
B. Babayev
Reklama huquqi asosida
Izoh (0)