Тошкент марказида фаолият юритувчи «Ishonch» компанияси — ҳар доим эътибор марказида. Ўз фаолиятини 2004 йилда тезкор полиграфия хизматларини кўрсатиш соҳасида бошлаган компания тез-тез ўзига хос янгиликларни тақдим этиб келади. Реклама-тижорат маҳсулотларини ишлаб чиқариш бўйича ишлар ҳам Ўзбекистонда, ҳам хорижда жисмоний ва юридик шахслар билан олиб борилади. Рақамли ва офсет чоп этиш билан таъминлаш ҳамда қатор бошқа хизматлар билан биргаликда компания Тошкентда биринчи марта турли хилдаги эҳтиёжлар учун бутун дунёга машҳур, ўзига хос гўзал миллий безак — иқат асосида сумка намуналари сериясини ишлаб чиқди. Энди улардан деярли барча вазиятлар учун фойдаланиш мумкин. Лекин бу ҳақда батафсил маълумот беришдан олдин таъкидлаш лозимки, «Ishonch» компанияси шу номли бренд билан кўпалб буюртмачилар орасида яхши нуфузга эга ва истеъмолчиларнинг ишончини қозонган.
Шаҳар марказида, Бош почтамт ёнида жойлашган, энг замонавий ускуналарга ва юқори малакали мутахассисларга эга компания тезкор полиграфия соҳасидаги буюртмаларни ишлаб чиқаришда энг яхши натижаларни таъминлайди. Профессионал бошқарув, корхонанинг Тошкент марказига яқинлиги, барча босқичларда буюртмалар бажарилиши сифатининг назорат қилиниши ва мақбул нархлар компаниянинг тез ривожланишига ва шаҳарда юқори мавқега эришишига замин яратмоқда. Бундан ташқари, унинг маҳсулотлари мутахассислар фикрича жаҳон стандартларига мос келади.
Ўзига хос маҳсулот — совғабоп қоғоз сумкаларнинг ишлаб чиқарилиши билан боғлиқ саволларимизга «Ishonch» тезкор полиграфия компаниясининг маркетинг бўлими бошлиғи Беҳзод Якубов жавоб беради.
− Беҳзод Рискибаевич, компаниянгиз нима учун бундай сумкаларни ишлаб чиқаришга қарор қилди, уларнинг ҳажми қандай, алоҳида устунликлари нимада?
− Совғабоп қоғоз сумкалар бир пайтлар хориждан келтирилган ғаройиб нарсалар деб ҳисобланарди, нуфузли ва қиммат дўконларни чиройли қоғоз сумкаларсиз тасаввур қилиб бўлмасди. Бундай сумка эгаси ўз-ўзидан у ёки бу бренд дўконларида савдо қилишга одатланган омадли киши мақомини оларди. Бугун чиройли қоғоз сумка имиждаги қўшимча аксессуарга айланди ва аёлларимиз ҳаётида муҳим ўрин эгаллади. Бассейнга ёки пляжга, кимёвий тозалаш масканига ёки совға билан меҳмонга боришни, диплом иши ёки реферат билан юришни бундай сумкасиз тасаввур қилиш қийин.
Бундай совғабоп сумкаларни биз яқинда IMPacking бренди остида чиқара бошладик. Бу сумкаларнинг буюртмачилари ўз маҳсулотларини реклама қилувчи турли компаниялар, шунингдек бутиклар — кийим-кечак бозорининг қиммат сегментидаги бренд дўконлар бўлмоқда. Ишлаб чиқариш линияси олиб келинишидан олдин маҳсулотлар қўлда йиғиларди ва елимланарди. Ҳозир эса барчаси машиналарда тез ва сифатли бажарилмоқда. Мижозларимизнинг компаниялари ҳам биз билан бирга ривожланмоқда. Шунингдек, бу бизга кўпроқ янги харидорларни жалб қилмоқда. Улар асосан кўргазмаларда, кооперацион ярмаркаларда ва компаниялар бир-бири билан фаол тарзда корпоратив совғалар алмашадиган байрамлар арафасида буюртма беради. Қўлда йиғиш ва елимлаш тезлиги бизнинг ўсиб бораётган ҳажмимизни қондиролмай қолди. Биз компаниямизнинг бу йўналишига янги туртки бериш керак, деб ҳисобладик. Шунинг учун Хитойдаги кўргазмага ташриф буюриб, керакли ускунани кредит асосида сотиб олишга қарор қилдик. Ҳозирда ундан фойдаланяпмиз.
Биз бевосита бозорда ва турмушда қоғоз сумкалар ишлатилишига бир неча бор гувоҳ бўлганмиз. Харид қилганимизда маҳсулотларни турли сумкаларга ўраб беришган, дўстларимизга, қариндошларимизга, ҳамкасбларимизга совға олганимизда шунга муносиб ўрам излаганмиз. Ҳар сафар қўлимизга Хитойда ишлаб чиқарилган сумка (бу ҳеч кимга сир эмас) келиб тушган. Бироқ хитойлик ишлаб чиқарувчи ушбу аксессуар бизнинг минтақамизга тегишлилиги билан ажралиб туриши учун нима таклиф қила олади? У сизнинг ўзига хослигингизни, миллий рангларни, услубингизни кўрсатиши учун нима қилиш керак? Сир эмаски, иқат услуби охирги пайтларда дунёдаги барча уйларга кириб бормоқда. Кийимлар, оёқ кийими, эркаклар учун аксессуарлар, чойшаблар, интерер, докор ва эсдалик совғаларда — барча жойда иқат пайдо бўлди, қоғоз сумкалар эса бундан мустасно эди. Бу маҳсулотни муваффақиятли илгари суриш учун ажойиб таклиф бўлди.
− Заргарлик, атторлик маҳсулотларини сотиб олиб, уларни тезкорлик билан бирор жойга қўйиш лозим бўлса, нима қилиш керак? Сизда шундай маҳсулот борми?
- Биз учун мижозларимизнинг мурожаатлари жуда қадрли ва муҳим. Уларнинг сўровларини ўрганганимизда совғабоп қоғоз сумкалар атир, тақинчоқлар, кичик эсдаликлар, соатлар каби майда совъгалар учун кичик ҳажмда ҳам бўлиши лозимлиги маълум бўлди. Бизда кичик ҳажмдаги сумкаларни ҳам буюртма қилиш мумкин, улар ҳам жуда чиройли ва қулай. Бундай ўзига хос сумкачалар мамлакатимизга хос бўлган тўй ва юбилейлар учун жуда оммабоп. Биз ҳажмлар учун кенг танлов таклиф этамиз — жуда кичик совға учун, катта ҳажмдаги совға ёки кийим учун ҳам.
− Сумкаларингизнинг ўзини ҳам совға деб ҳисоблаш мумкинми?
− Шубҳасиз. Қайтараман — совғабоп қоғоз сумка кўплаб аёлларнинг гардеробида қулай аксессуарга айланиб улгурган. Биринчидан, у жуда енгил, иккинчидан, осон текис бўлиб тахланади, энг муҳими — турли ранглар ва ҳажмдаги маҳсулотларни нисбатан кам пул сарфи эвазига харид қилиш мумкин.
− Буюртмачи компания бу сумкаларда унинг номи, фирма белгилари ёки буюртмачи исмининг бош ҳарфлари жойлаштирилишини сўраши мумкинми?
− Биз бундай хизматни яқиндагина жорий этдик. Бу ўз корхонаси имижини индивидуаллаштиришни мақсад қилган тадбиркорлар орасида катта талабга эга. Бу жуда оқил қарор. Аниқ мисол келтираман: агар компаниянгиз логотипи туширилган қоғоз сумкаларга буюртма беришни истасангиз, адади ўртача 500 тадан кам бўлмаслиги лозим ва тайёрлаш учун 1 ҳафтадан 10 кунгача вақт кетади. Бу кам эмас ва кичик компания учун анчага тушади. Биз эса у ёки бу логотипни тайёр маҳсулотга 3—5 кунда жойлаштириб бера оламиз. Адади кам бўлса, масалан 50 тача чиқарилса, харажат ҳам кам бўлади. Бу тадбиркорларга анчагина маблағ тежаган ҳолда ўз имижини қуриш имконини беради
− Компаниянгиз турли тадбирлар, юбилейлар, тўйлар, туғилган кунлар ўтказувчиларга яна қандай янгилик таклиф қилиши мумкин?
- Ўйлайманки, юқорида келтирилган барча хизматлар жисмоний шахсларга, жумладан ёш келин-куёвларга ҳам қизиқарли ва фойдали бўлади. Биз уларга декор ва замонавий полиграфиянинг бошқа технологияларидан фойдаланиш усуллари ҳисобига тантанаворликнинг кўпроқ жиҳатлари қўшилган алоҳида сумка вариантларини таклиф қилишимиз мумкин.
− «Ishonch» МЧЖнинг яқин келажак учун режалари қандай?
− Полиграфия технологиялари бир жойда турмайди. Ҳар йили кўргазмаларда бизга ўз полиграфиямизни ривожлантириш учун ғоялар берувчи янгиликлар таклиф этилади. Биз замон билан ҳамнафасмиз — бизнесда бошқачаси бўлмайди — янгиликлар киритиб, мижозга доимий равишда янги танлов берувчи доим ғолиб бўлади.
− Буюртма бериш учун компаниянгиз билан қандай боғланиш мумкин?
− Биз янги алоқаларни ўрнатиш ва янги шерикларни излаш учун Facebook ижтимоий тармоғидаги ўзимизнинг «Ишонч« номли саҳифамизда фаол ишлаймиз, шунингдек www.ishonchprint.uz веб саҳифамизга эгамиз, биз билан info@ishonchprint.uz электрон манзили орқали ҳам боғланиш мумкин.
Б. Бабаев
Реклама ҳуқуқи асосида
Изоҳ (0)