Moskvada yosh kelin-kuyovlarga FHDYo bo‘limiga zirhli transportyor (BTR)da borishni taklif qilishni boshlashdi, deya xabar bermoqda “TASS”.
To‘y korteji uchun bunday transport vositasini taqdim etishni taklif etayotgan to‘y agentligi vakilining so‘zlariga ko‘ra, yosh kelin-kuyovlar uchun BTRni ijaraga olish narxi 100 ming rubldan boshlanadi.
“Barchasi FHDYo bo‘limigacha bo‘lgan yo‘lga bog‘liq. Agar siz Moskvaning markaziy ko‘chalari bo‘ylab harakatlanadigan bo‘lsangiz, u holda zirhli texnika ijarasi qimmatroq bo‘ladi, chunki ko‘chalar bo‘ylab yo‘nalishni o‘tkazish masalalarini yo‘l-patrul xizmati xodimlari bilan hal qilish kerak bo‘ladi”, - dedi firma menejeri.
Ayni vaqtda, uning so‘zlariga ko‘ra “agar FHDYo bo‘limi shahar atrofida joylashgan bo‘lsa, yugur-yugurlar ham oz, zirhli texnika ijarasi uchun xarajatlar ham kamroq bo‘ladi”. Qo‘shimcha to‘lov evaziga agentlik xodimlari BTRlarni viloyatlarga jo‘natishga ham tayyor.
Agentlik vakilining ta’kidlashicha, firmada BTRlardan to‘y kortejlari tarkibida foydalanish huquqini beruvchi barcha ruxsatnoma hujjatlari bor. “TASS”ning qo‘shimcha qilishicha, internet-saytlarda to‘y agentliklari egalariga foydalanilgan BTRlarni 1,5 million rubldan sotib olishni taklif qilishmoqda.
Izoh (0)