Toshkent markazida Lacetti yonib ketdi

Toshkent shahridagi Matbuotchilar va Zarafshon ko‘chalari kesishuvida, “Poytaxt” savdo markazi yaqinida Lacetti rusumli avtomobilda yong‘in paydo bo‘ldi, deb xabar bermoqda “Uz24.uz”.

Voqea joyiga yong‘in xavfsizligi xizmati brigadasi, tez tibbiy yordam va huquqni muhofaza qiluvchi organlar xodimlari yetib kelgan.

Jabrlanganlar va hodisa sabablari to‘g‘risida hozircha ma’lumot berilmagan.