Toshkent hayvonot bog‘iga in qurgan laylak o‘zini-o‘zi ozuqa bilan ta’minlamoqda

Toshkent hayvonot bog‘iga eng chiroyli qushlardan biri – oq laylak ko‘chib keldi, deb xabar qiladi hayvonot bog‘i ma’muriyati.

Laylak suvda suzuvchi parrandalarga mo‘ljallangan maydonchaning tomi ustiga in qurdi. Qush uyasining diametri bir yarim metrgacha yetadi. Xodimlar yovvoyi qush hayvonot bog‘iga bunchalik yaqin joyda uya qurganiga ilk bor guvoh bo‘ldi.

Qush o‘zini-o‘zi yemish bilan ta’minlamoqda va vaqti-vaqti bilan uyadan tashqariga chiqmoqda. Bog‘dan uncha uzoq bo‘lmagan hududdan kanal oqib o‘tadi, uning atrofi o‘simliklar bilan qoplangan bo‘lib, ular laylak uchun yaxshi ozuqa bo‘ladi.

Ma’lumki, laylaklar omad keltiradi va hayvonot bog‘idagilar suvda suzuvchi parrandalar bo‘limi tashrifchilar orasida ommalashib ketishiga ishonmoqda.