Тошкент ҳайвонот боғига энг чиройли қушлардан бири – оқ лайлак кўчиб келди, деб хабар қилади ҳайвонот боғи маъмурияти.
Лайлак сувда сузувчи паррандаларга мўлжалланган майдончанинг томи устига ин қурди. Қуш уясининг диаметри бир ярим метргача етади. Ходимлар ёввойи қуш ҳайвонот боғига бунчалик яқин жойда уя қурганига илк бор гувоҳ бўлди.
Қуш ўзини-ўзи емиш билан таъминламоқда ва вақти-вақти билан уядан ташқарига чиқмоқда. Боғдан унча узоқ бўлмаган ҳудуддан канал оқиб ўтади, унинг атрофи ўсимликлар билан қопланган бўлиб, улар лайлак учун яхши озуқа бўлади.
Маълумки, лайлаклар омад келтиради ва ҳайвонот боғидагилар сувда сузувчи паррандалар бўлими ташрифчилар орасида оммалашиб кетишига ишонмоқда.
Изоҳ (0)