AQSHning Arizona shtati poytaxti – Finiks shahridagi xonadonlardan birida otishma oqibatida halok bo‘lgan besh kishining jasadi topildi. Bu haqda “TASS” xabar bermoqda.
“Oila a’zolaridan biri uydan qochib chiqishga ulgurgan, guvohlarning aytishicha, qarindoshlar muntazam ravishda o‘zaro janjallashib turishgan”, - dedi Arizona politsiyasi vakili.
Uning so‘zlariga ko‘ra, politsiya hodisa joyiga kelganida uy eshik va derazalari qulflab qo‘yilganini aniqlagan va uy ichiga kirish uchun maxsus robotdan foydalanishga to‘g‘ri kelgan.
Shtat ma’muriyatining ma’lum qilishicha, hodisa bo‘yicha gumonlanuvchilar ro‘yxatida faqat shu oila a’zolari bor. Politsiya ma’lumotlariga ko‘ra, hodisaga aloqador boshqa begona shaxslar yo‘q.
Izoh (0)