Yaman QKning 4 ming kishilik armiya brigadasi mamlakat prezidenti tomoniga o‘tib ketdi

Yaman qurolli kuchlari armiya brigadasi mamlakat prezidenti Abdu Rabbo Mansur Hodiy tarafiga o‘tib ketdi, deya xabar bermoqda “TASS”. Ular mamlakat sharqidagi Xadramut provinsiyasiga ko‘chirilgan edi.

Ushbu harbiy qism qo‘mondoni polkovnik Yahyo Abu Auja aytishicha, 4 ming nafar harbiy xizmatchining barchasi qonuniy hukumatga sodiq ekanligini e’lon qildi. U yaqin orada boshqa harbiy bo‘linmalar ham shunga o‘xshash qaror qabul qilishini taxmin etdi.

So‘nggi vaqtlargacha polkovnik Aujaning 135-brigadasi Yamandagi nizolarda mamlakatning sobiq prezidenti Ali Abdulla Solih tomonini egallab kelgan edi.