Toshkentda buxanka non ichidan po‘lat sim chiqdi

Facebook’dagi “Potrebitel.uz” guruhi a’zolaridan biri Toshkent shahridagi Shuhrat chorrahasi yaqinidagi non mahsulotlari do‘konidan sotib olingan buxanka non ichidan po‘lat sim chiqqanini ma’lum qildi.

Foydalanuvchi buxanka non va undan chiqqan simning fotosuratlarini ham ilova qilgan hamda agar non boshqacha kesilganda uni ko‘rmay qolish mumkin bo‘lganini qayd etgan.

Xabarga izoh qoldirgan guruh foydalanuvchilari buxanka non ichidan turli narsalar chiqib turishini tanqid qilib, non ishlab chiqaruvchilarni e’tiborliroq bo‘lishga chaqirgan.