Shimoliy Atlantika alyansi nuqtai nazaridan, Rossiya qurolli kuchlarida o‘tkazilayotgan jangovar tayyorgarlik bo‘yicha kutilmagan tekshiruvlar ko‘p sodir bo‘layotgani barqarorlikni saqlab turishga imkon yaratmaydi. Bu haqda NATO bosh kotibi Yens Stoltenberg Voice of America radiostansiyasiga bergan intervyusida aytib o‘tdi.
“Biz uchun nazoratni qo‘ldan boy berishga turtki bo‘luvchi vaziyatlar, anglashilmovchiliklar va hodisalarni chetlab o‘tish muhim. Va tasodifiy harbiy o‘quv mashqlarining tez-tez o‘tkazilishi barqarorlikni saqlab turishga imkon bermaydi”, — dedi Stoltenberg.
16—21-mart kunlari Rossiya qurolli kuchlarning harbiy jangovarligini tekshirish bo‘yicha keng ko‘lamli ishlar olib bordi.
Kutilmagan tekshiruvga 38 ming nafar harbiy xizmatchilar, 3,36 ming dona harbiy texnika, 41 ta kema, 15 ta suvosti kemasi, 110 ta samolyot va vertolyotlar jalb etildi.
Tekshiruvdan asosiy maqsad Shimoliy flotning Rossiyaning Arktikadagi harbiy xavfsizligini ta’minlash imkoniyatini baholashdan iborat bo‘ldi.
Izoh (0)