2010-yil 10-aprelda Smolensk yaqinida sodir bo‘lgan aviahalokatni tergov qilayotgan Polsha prokuraturasi Rossiyaning ikki aviadispetcherini fojiaga aloqadorlikda aybladi. Bu haqda mamlakat Bosh harbiy prokuraturasiga tayanib, “TASS” xabar berdi.
24-mart kuni Rossiyaning ikki fuqarosi — parvozlarni boshqarish guruhi a’zolariga ayblov e’lon qilish haqida qaror chiqarildi. Ulardan biri havoda bevosita xavf vaziyatini yaratganlikda, ikkinchisi havo makonida bilmasdan halokat keltirib chiqarganlikda ayblanmoqda.
Eslatib o‘tamiz, 2010-yil 10-aprelda Smolensk yaqinida Polsha prezidentining Tu-154M samolyoti halokatga uchragan, bortdagi 96 yo‘lovchining barchasi, jumladan respublika prezidenti Lex Kachinskiy ham halok bo‘lgan edi.