Yerga yirik 2014 YB35 asteroidi yaqin keldi, deya xabar bermoqda The Independent nashri. Asteroid sayyoramiz yaqinidan 2015-yil 27-mart kuni Toshkent vaqti bilan 12:21 da taxminan 4,5 million kilometr masofada uchib o‘tdi.
Osmon jismining diametri 520 metr deb baholanmoqda. Yaqin kelish paytida asteroid Yerdan Oyga qaraganda 11 marta uzoqroq masofada joylashdi, uning tezligi esa soniyasiga 10,16 kilometrni tashkil etdi. Osmon jismi sayyora uchun hech qanday xavf tug‘dirmadi.
2014 YB35 asteroidi olimlar nazariga ilk bora 2014-yilda tushgan. Keyingi safar u Yer yaqinidan 3,3 million kilometr masofada 2033-yilda uchib o‘tadi.
Izoh (0)