O‘zbekistonlik bokschilar “Ukraina atamanlari”ning “Britaniya sheryuraklari”ga qarshi janglarida qatnashadi

Butunjahon boks seriyasi, ya’ni WSB yo‘nalishida o‘tkazilayotgan boks musobaqasining beshinchi mavsumidan o‘rin olgan navbatdagi janglar uchun jamoalar o‘z tarkiblarini e’lon qilishdi. Jumladan, “Ukraina atamanlari” jamoasining “Britaniya sheryuraklari” klubiga qarshi kechadigan jangida ringga ko‘tariluvchi bokschilari ham ma’lum bo‘ldi, deb xabar bermoqda “Olamsport”.

Ma’lumki, “Ukraina atamanlari” jamoasi sharafini legioner sifatida charm qo‘lqop ustalarimizdan Xasanboy Do‘smatov va Xurshidbek Normatov himoya qilishyapti. “Meksika jangchilari”ga qarshi bahsda bu ikki bokschimizning vazn toifalarida janglar o‘tkazilmagan edi. Bu safar hamyurtlarimiz yana safda.

49 kg vazn toifasi: Eshli Uilyams (“Britaniya sheryuraklari”) – Hasanboy Do‘smatov (“Ukraina atamanlari”)

56 kg:  Kuaid Ashfak (BShYu) – Nikolay Butsenko (UA)

64 kg: Semul Maksvel (BShYu) – Mger Oganisyan (UA)

75 kg: Entoni Fauler (BShYu) – Xurshidbek Normatov (UA)

91 kg: Itaru Ionut-Mirel (BShYu) – Denis Poyatsika (UA)