Kelayotgan dam olish kunlari (14—15-mart) O‘zbekistonda umumxalq hashari bo‘lib o‘tadi, deb yozadi “Gazeta.uz” Vazirlar Mahkamasi qaroriga tayanib.
Hashar mart—aprelda mamlakatning butun hududlari bo‘yicha e’lon qilingan obodonchilik va ko‘kalamzorlashtirish oyligi doirasida o‘tkaziladi.
Hujjatga muvofiq, hashar davomida mahallalalar, aholi punktlari, ko‘p qavatli va xususiy uylar atroflari, guzarlar, maydonlar, ziyoratgohlar, ko‘chalar, trotuarlar, ariqlar va bolalar maydonchalari obodonlashtirilishi va tozalanishi kerak.
Mahalla va aholi yashaydigan dahalarda gul, mevali va manzarali daraxt ko‘chatlari ekilib, bo‘sh turgan joylarda yashil hududlar tashkil qilinadi.
Bundan tashqari, muhtoj keksalarga, pensionerlar va imkoniyati cheklangan kishilarga ijtimoiy yordam ko‘rsatiladi; kam ta’minlangan va boquvchisini yo‘qotgan oilalarga uy-joy va maishiy sharoitni yaxshilashda ko‘mak beriladi.
Izoh (0)