Келаётган дам олиш кунлари (14—15 март) Ўзбекистонда умумхалқ ҳашари бўлиб ўтади, деб ёзади «Газета.uz» Вазирлар Маҳкамаси қарорига таяниб.
Ҳашар март—апрелда мамлакатнинг бутун ҳудудлари бўйича эълон қилинган ободончилик ва кўкаламзорлаштириш ойлиги доирасида ўтказилади.
Ҳужжатга мувофиқ, ҳашар давомида маҳаллалалар, аҳоли пунктлари, кўп қаватли ва хусусий уйлар атрофлари, гузарлар, майдонлар, зиёратгоҳлар, кўчалар, тротуарлар, ариқлар ва болалар майдончалари ободонлаштирилиши ва тозаланиши керак.
Маҳалла ва аҳоли яшайдиган даҳаларда гул, мевали ва манзарали дарахт кўчатлари экилиб, бўш турган жойларда яшил ҳудудлар ташкил қилинади.
Бундан ташқари, муҳтож кексаларга, пенсионерлар ва имконияти чекланган кишиларга ижтимоий ёрдам кўрсатилади; кам таъминланган ва боқувчисини йўқотган оилаларга уй-жой ва маиший шароитни яхшилашда кўмак берилади.
Изоҳ (0)