Samsung Electronics itlar uchun 30,6 ming dollarlik “orzudagi uy”ni taqdim etdi, deya xabar bermoqda CNBC. Shohona ixtironi dunyodagi eng yirik dog-shou — Crufts’da ko‘rish mumkin.
Budka ochiq savdoga chiqarilmaydi, balki kompaniyaning ijtimoiy tarmoqlardagi sahifalarida e’lon qilingan tanlovlarda sovrin sifatida beriladi.
Uycha ikki “xona”dan iborat: biri dam olish uchun, ikkinchisi esa ko‘ngilxushlik qilish va ovqatlanish uchun. Shuningdek sun’iy gazonli o‘tloq, shaxsiy trenajyor, gidromassajli vanna, vovullab ovoz chiqaradigan eshik qo‘ng‘irog‘i va itning o‘zi mustaqil boshqarishi mumkin bo‘lgan, yeguliklarga ega avtomat mavjud.
Crufts ko‘rgazmasi 5—8-mart kunlari Angliyaning Birmengem shahrida bo‘lib o‘tadi.
Izoh (0)