Rossiyaning Voronej viloyati Rossosh shahrida yashovchi mushuk 500 km masofani o‘z xo‘jayinlari mashinasining kapoti ostida bosib o‘tdi, deya xabar bermoqda “RIA Voronej”. Jonivorning egalari Lipetskka mehmonga otlanib, mushukni ham o‘zlari bilan olib ketayotganlarini bilmagan.
Boshqa shaharda ikki kun mehmon bo‘lib, uyga qaytish paytidagina ular mushukni kapot ostidan topib olgan. Jonivor jabrlanmagan, biroq qo‘rqib ketgan va suvsizlikdan qiynalgan.
Ular dastlab mushukni tanimagan, biroq uyga kelib, mushuklarini topolmagach, qutqarilgan jonivor aslida o‘zlariniki ekanligini anglagan.
Izoh (0)