17-fevral kuni Qozog‘istonning Olma-ota viloyati Boralday qishlog‘ida sobiq harbiy kishi o‘z joniga qasd qildi, deya xabar bermoqda “7Region.kz”.
Qozog‘iston mudofaa vazirligi ma’lumotiga ko‘ra, Abay Mirzabekov avval 55065-harbiy qism qo‘mondoni bo‘lgan. U xudkushlikni harbiy qism joylashgan qishloqda amalga oshirgan.
Dastlabki ma’lumotlarga ko‘ra, sobiq qo‘mondon o‘zini xizmat quroli bilan otgan. Hodisa o‘zi ishlaydigan xonada ro‘y bergan. Ayni paytda fojia joyida tergov ishlari olib borilmoqda.
Sobiq qo‘mondon maktub qoldirgani haqida xabarlar bor, biroq unda nima yozilgani hozircha noma’lum.
Izoh (0)