O‘zbekistondagi uchta tuman va ikkita shaharning bosh militsionerlari o‘zgardi

O‘zbekiston Respublikasi Ichki ishlar vazirligi tizimida bir qancha lavozimlarga yangi tayinlanishlar bo‘ldi. Bu haqda “Postda” gazetasi xabar berdi.

Podpolkovnik Ramazon Axmatxo‘jayevich Ashrapov Sirdaryo viloyati IIB boshlig‘ining o‘rinbosari − Tergov boshqarmasi boshlig‘i lavozimiga tayinlandi.

Podpolkovnik Axmad Shamsudinovich Nasrdinov Farg‘ona viloyati Rishton tumani IIB boshlig‘i lavozimiga, podpolkovnik Nurbek Abdivaliyevich Safarov Toshkent viloyati Yangiyo‘l tumani IIB boshlig‘i lavozimiga, mayor Bekzod Absalomovich Usmonov Navoiy viloyati Navbahor tumani IIB boshlig‘i lavozimiga tayinlandi.

Podpolkovnik Umid Valeryevich Klichev Sirdaryo viloyati Guliston shahar IIB boshlig‘i lavozimiga, mayor Farrux Madaminovich O‘sarov Farg‘ona viloyati Quvasoy shahar IIB boshlig‘i lavozimiga tayinlandi.