Televizion ko‘rsatuvlar reytinglari yordamida tadqiqotchilar gripp epidemiyasi chog‘ida odamlar uyda qancha vaqt o‘tkazganini hisobladi va ijtimoiy faollikning kamayishi kasallikning so‘nishiga olib kelishini aniqladi. Bu haqda BMC Infectious Diseases jurnalida keltirilgan maqolaga tayanib, “Gazeta.ru” xabar berdi.
Misol tariqasida tadqiqotchilar 2009-yil aprelida Mexikoda avj olgan A/H1N1 cho‘chqa grippi epidemiyasini keltirib o‘tdi. Bu paytda televizion ko‘rsatuvlar reytingi oshib ketgan. Bu odamlar o‘sha vaqtda uyda qolib, atrofdagilar bilan aloqalarini cheklashni afzal ko‘rganidan darak beradi. Mutaxassislar ishonch bilan ta’kidlashicha, bunday “o‘z-o‘zini izolyatsiyalash” instinkti bo‘lmaganida edi, cho‘chqa grippidan yanada ko‘proq kishi azob chekkan bo‘lardi.
Shifokorlar infeksion kasalliklarni yuqtirib olish ehtimoli yuqori bo‘lgan davr mobaynida, masalan, har yilgi mavsumiy gripp epidemiyasi vaqtida bunday taktikaga rioya qilishni maslahat bermoqda.
Izoh (0)