CNN nashri dunyodagi eng chiroyli va hayratga soladigan favvoralar reytingini e’lon qildi, deb xabar bermoqda Korrespondent.net.
Kanazawa Fountain Clock (Yaponiya)
Yaponiyaning Kanadzava shahridagi temir yo‘l stansiyasida joylashgan Kanazawa Fountain Clock betakror soati bir necha kichik favvoralardan tashkil topgan. Mazkur favvoralar orqali harf va raqamlar yozilib, ushbu vazifaga maxsus tizim javob beradi.
Banpo Moonlight Rainbow Fountain (Koreya)
Koreya Respublikasining poytaxti Seulda joylashgan mazkur suv inshooti dunyodagi eng uzun ko‘prik-favvora hisoblanadi. Bu yerda daqiqasiga 190 tonna suv kuchli bosim bilan quyiladi. Suvi bevosita Xangan daryosidan keladigan mazkur favvora shousiga aprel oyidan oktabrga qadar har kuni guvoh bo‘lish mumkin.
Swarovski Crystal Head Fountain (Avstriya)
Avstriyaning Insburk shahridagi favvoraning ichida Swarovski muzeyi joylashgan. Muzey o‘t-o‘simlik bilan qoplangan ulkan bosh shaklida qurilgan. Mazkur boshning og‘zidan suv oqib turadi, ko‘zlari esa Swarovski oynalaridan yasalgan. Ayni damda rekonstruksiya uchun yopilgan muzey 2015-yil may oyida ochiladi.
Bellajio favvoralari (Las-Vegas)
Bellajio favvoralarining qurilishiga 40 million dollar sarflangan. Bu yerda suv 24 qavatli binoga teng balandlikkacha ko‘tariladi.
Boylik favvorasi (Singapur)
Dunyodagi eng katta favvora nomiga sazovor bo‘lgan Boylik favvorasi 1998-yil Ginnes rekordlari kitobidan joy olgan.
Tap fountain (Ispaniya)
Mazkur g‘aroyib favvora Ispaniyaning Menorka orolida joylashgan bo‘lib, undagi suv quvurdan otilib chiqadi.
Jet d'Eau (Jeneva)
Ushbu favvora suvi 140 metr balandlikkacha ko‘tariladi.
Crown Fountain (Chikago)
Mazkur suv inshooti havzasida raqamli video aks etib, u favvora yonidagi minoralarda o‘rnatilgan ekranlarda namoyish etiladi.
Dubay favvorasi (Dubay, BAA)
Ushbu favvora dunyoning eng baland inshooti Burj Xalifa oldida joylashgan bo‘lib, uning suvi 50 qavatli bino balandligigacha ko‘tariladi. Suv inshooti 6600 dona svetodiod va 25 ta rangli projektor bilan jihozlangan.
Aquanura, Efteling (Gollandiya)
Aquanura favvorasi Gollandiyadagi Efteling bog‘ining 60 yilligi munosabati bilan 2012-yilda qurilgan. 200 favvora va 900 ta chiroqdan iborat kompozitsiya har kuni 6500 tomoshabinni o‘ziga jalb qiladi.
Scioto Mile Fountain (Ogayo, AQSh)
Aprel oyidan oktabrga qadar ishlaydigan mazkur favvora yer ostidagi hajmi 416 395 litrgacha bo‘lgan suv havzalari yordamida faoliyat yuritadi.
Lotte World Musical Fountain (Pusan, Janubiy Koreya)
2010-yilda ochilgan mazkur suv inshootini tomosha qilish uchun hozirda kuniga 20 ming sayyoh tashrif buyuradi.
Longwood Gardens (Pensilvaniya, AQSh)
Mazkur favvoralar seriyasi 1931-yilda qurilgan bo‘lib, 1984-yil to‘liq kompyuterlashtirilgan. Uning suvi 39 metr balandlikkacha ko‘tariladi.
Stravinskiy favvorasi (Parij)
Ushbu suv inshooti 16 mexanik haykaldan iborat bo‘lib, ular bastakor Igor Stravinskiy musiqalari ohangida harakatga keladi.
Turning Heads Fountain ( Kaliforniya, AQSh)
Ushbu favvora odamning qisman suv ostida bo‘lgan boshi shaklida mahalliy san’atkor Seyed Alavi tomonidan qurilgan.
Izoh (0)